Spurt og svarað

• Geta allir keypt rafmagn hjá Straumlind?

Já, það geta allir á Íslandi keypt rafmagn hjá Straumlind.

• Kostar að skipta yfir til Straumlindar?

Nei, það kostar ekkert að skipta yfir til Straumlindar.

• Hvað gerist eftir að ég skrái mig í viðskipti?

Þú færð sendan tölvupóst sem staðfestir skráninguna.

Ef þú skráðir þig þegar meira en 20 dagar eru til mánaðarmóta byrja viðskipti þín hjá Straumlind strax í næsta mánuði en ef þú skráðir þig þegar minna en 20 dagar eru til mánaðarmóta byrja viðskipti þín hjá Straumlind í þar næsta mánuði.

• Hvaða greiðsluleiðir eru í boði?

Viðskiptavinir geta valið á milli þess að fá greiðsluseðil í heimabanka eða boðgreiðslu á kreditkort. Greiðsluseðill í heimabanka kostar 98 kr. en ekkert gjald er á boðgreiðslu á kreditkort. 

• Hvenær birtist krafa frá Straumlind í heimabanka?

Almennt er gjalddagi 4. dag mánaðar og eindagi 7. dag mánaðar.

Straumlind birtir kröfu í heimabanka eins fljótt eftir mánaðarmót og kostur er. Ástæða þess að krafan birtist ekki fyrir mánaðarmót, eins og er algengt, er sú að álestrar með upplýsingum um hver rafmagnsnotkun mánaðarins var berst ekki frá dreifiveitu fyrr en eftir að mánuðinum er lokið.

Viðskiptavinir í greiðsluþjónustu viðskiptabanka eða sem greiða með boðgreiðslum á kreditkorti finna lítið fyrir lengd tíma frá birtingu reiknings í heimabanka að eindaga.

• Hvar get ég skoðað reikninga frá Straumlind?

Reikningar frá Straumlind eru birtir á Mínar síður á straumlind.is.

• Af hverju fæ ég líka reikning frá Veitum, Rarik eða HS Veitum vegna rafmagns?

Kostnaður vegna rafmagns skiptist í tvennt. Annars vegar er greitt fyrir dreifingu á rafmagninu og hins vegar er greitt fyrir rafmagnið sjálft.  

Heimilisfang ræður því hvaða dreifiaðila maður er í viðskiptum hjá. Ástæðan er sú að innan hvers sveitarfélags er aðeins einn dreifiaðili og allir sem búa á því svæði verða að vera í viðskiptum þann dreifiaðila. Dreifiaðilinn sendir reikning fyrir dreifingu rafmagns.  

Á Íslandi eru fimm dreifiveitur: Veitur, Rarik, HS Veitur, Orkubú Vestfjarða og Norðurorka.

Sala á rafmagni er hins vegar á samkeppnismarkaði og öllum er frjálst að velja sér söluaðila. Rafmagn er hluti á mánaðarlegum kostnaði heimila og fyrirtækja og með viðskiptum við Straumlind má ná fram sparnaði og lækka rekstrarkostnað.  

Engin röskun verður á afhendingu á rafmagni og það er engin hætta á því að reikningur berist bæði frá Straumlind og fyrri söluaðila þar sem skiptin fara eftir samræmdum reglum sem allir söluaðilar vinna eftir. 

• Get ég losnað við að fá tvo reikninga vegna rafmagns?

Nei. Kostnaður vegna rafmagns skiptist alltaf í tvennt. Annars vegar er greitt fyrir dreifingu og flutning á rafmagninu og hins vegar er greitt fyrir rafmagnið sjálft. 

Skilum ehf. annast innheimtuþjónustu fyrir Straumlind.

Ef reikningur frá Straumlind er ógreiddur eftir eindaga tekur eftirfarandi ferli við:

• + 25 dagar - Skrifleg innheimtuviðvörun. Höfuðstóll kröfu ákvarðar kostnað.

• + 35 dagar - Fyrra milliinnheimtubréf. Höfuðstóll kröfu ákvarðar kostnað.

• + 45 dagar - Síðara milliinnheimtubréf. Höfuðstóll kröfu ákvarðar kostnað.

• Dráttarvextir reiknast á höfuðstól kröfu frá gjalddaga til greiðsludags.

Allir reikningar frá Straumlind birtast á Mínar síður.

• Hvers vegna er verðið á hverri kWst lægra vegna rafhitunar en vegna almennrar notkunar?

Ástæðan er sú að almenn notkun og rafhitun eru í sitt hvoru skattþrepi virðisaukaskatts (VSK).

Samkvæmt lögum nr. 50/1988 um virðisaukaskatt leggst 24% VSK á sölu rafmagns vegna almennrar notkunar en 11% VSK á sölu rafmagns vegna rafhitunar. Án VSK er verðið á hverri kWst. það sama.

• Geta allir keypt rafmagn vegna rafhitunar?

Nei. Rafmagn vegna rafhitunar er eingöngu fyrir íbúa á svokölluðum „köldum svæðum“ (einkum svæðum þar sem ekki er hitaveita). Rafmagnsmælar í íbúðum á „köldum svæðum“ eru sérstaklega merktir og þannig er tryggt að 11% VSK leggst á rafmagnið sem fer um þá. Íbúar á „köldum svæðum” geta einnig sótt um niðurgreiðslur vegna rafhitunar á húsnæði til Orkustofnunar.

• Hvað gerir snjallmælir?

Snjallmælir er mælir sem getur mælt raforkunotkun þína klukkustund fyrir klukkustund allan sólarhringinn og miðlað þeim upplýsingum til dreifiveitu.

Snjallmælir er forsenda Ódýrara rafmagns á nóttunni.

• Hvenær fæ ég snjallmæli?

Dreifiveitan þín sér um þau mál, þú getur fengið upplýsingar um það hjá henni.

• Hvað er Ódýrara rafmagn á nóttunni?

Ódýrara rafmagn á nóttunni er 34% afsláttur af rafmagni sem notað er milli kl. 02:00-06:00 á nóttunni.

•  Geta allir verið með í Ódýrara rafmagn á nóttunni?

Nei, það geta því miður ekki allir skráð sig í Ódýrara rafmagn á nóttunni ennþá. Ódýrara rafmagn á nóttunni er nýsköpunar- og þróunarverkefni og snjallmælir verður að vera til staðar til að hægt sé að virkja þjónustuna.

HS Veitur eru komnar lengst í uppsetningu snjallmæla og eru enn sem komið er eina dreifiveitan þar sem Ódýrara rafmagn á nóttunni er virkt. Samkvæmt upplýsingum frá hinum dreifiveitunum eru þær allar að vinna að undirbúningi.

•  Hvernig nýtist Ódýrara rafmagn á nóttunni?

Afslátturinn gildir um hvaða rafmagnsnotkun sem er á milli kl. 02:00-06:00 á nóttunni. Hér eru nokkur dæmi um tæki sem nota umtalsvert rafmagn og bjóða oft upp á tímastillingu þannig að þú getir nýtt Ódýrara rafmagn á nóttunni meðan þú sefur!

Rafbílar, heitir pottar (rafmagns), uppþvottavélar, þvottavélar og þurrkarar.

•  Hvers vegna býður Straumlind upp á Ódýrara rafmagn á nóttunni?

Ódýrara rafmagn á nóttunni sameinar tvö af markmiðum Straumlindar sem eru að bjóða viðskiptavinum sínum hagstæðasta verð á rafmagni á Íslandi og að gera raforkukerfið ,,snjallara".

Með gagnavísindum og notkun gervigreindar má hámarka nýtingu innan raforkukerfisins, lágmarka kostnað og stuðla að orkujöfnuði.

Rafmagnsnotkun er tvöfalt meiri á daginn en á nóttunni. Álag á raforkukerfið er því mun meira á daginn en á nóttunni. Ódýrara rafmagn á nóttunni stuðlar að jöfnun álags í kerfinu vegna notkunar almennra notenda.

• Hvað er dreifiveita?

Dreifiveita flytur rafmagnið frá virkjun og dreifir því til notenda. Allir notendur rafmagns eru í viðskiptum hjá einhverri dreifiveitu og ekki er hægt að velja dreifiveitu þar sem það er aðeins ein dreifiveita er á hverju svæði.

Dreifiveita sér um allan búnað vegna rafmagns, s.s. mælana, og samskipti vegna þeirra t.d. vegna álestra og bilana.

• Hvað er raforkusali?

Raforkusali er fyrirtæki sem útvegar rafmagn og selur það til notenda. Hér velja notendur hvar þeir eru í viðskiptum. Straumlind er raforkusali.

• Raforkukerfið myndrænt